Digital inkludering

Vi skal bidra til at alle kan vere inkludert i det digitale samfunnet

​​Om lag 14 % av befolkninga over 16 år har liten eller ingen digital kompetanse (jf. Kompetanse Norge-rapport 2021). ​​

At ei så stor gruppe opplever digitalt utanforskap er svært alvorleg.

Har du ikkje digital kompetanse, så blir du ståande utanfor.  Alle må få like moglegheiter til å bruke tenester og tilbod for å kunne ta del i utdanning, arbeidsliv og samfunnslivet elles. Det er også eit stort problem med tanke på tilgang til kompetent arbeidskraft i Vestland.​ ​

Digital inkludering er ein tvilling til komplett digital infrastruktur. ​

Vi skal bidra til at alle kan vere inkludert i det digitale samfunnet. Vi vil løyse ut potensialet i breie samarbeid mellom brukarar, frivillige og lokale styresmakter.

Tiltak for å nå mål

  • Erfaringsformidling – dele gode døme​

  • Skape møteplassar og dialog mellom generasjonar​

  • Bidra til å utvikle og mobilisere samhandling mellom frivillige organisasjonar og brukarar/tenester, t.d. skaffe finansiering ​

  • Legge vekt på universell utforming, t.d. i samarbeid med Digdir og uutilsynet​

  • Legge til rette for opplæring på tvers av ulike tekniske løysingar​

  • Motivere til å bruke grunnskule og vgs for å utløyse potensiale for å bidra i sine lokalsamfunn​

Kontaktpersonar

Hilde G. Corneliussen, Vestlandsforsking
hgc@vestforsk.no

Ivar Petter Grøtte, IT-forum
ipg@vestforsk.no

Bakgrunn

IT-forum har over tid arbeidd med helse og it for fylket. Innsatsen har vore stor og får mellom anna omtale på fylkesmannsbloggen i 2009. I 2013 endra arbeidsgruppa namn frå «IT-forum eHelse» til «IT-forum velferdsteknolgi» for å synleggjere komande satsing på velferdsteknologi.

Eit  forprosjekt i 2005 klargjorde, samordna og planla ei større satsing på effektiv bruk av IKT og breibandteknologi for eit utval tenester innafor helse og omsorg i skjeringspunktet mellom kommunar og helseføretak. Deretter har arbeidsgruppa gjennomført og støtta prosjekt som «Fylkesdekkande IT-tenester for helse i Sogn og Fjordane 1 & 2»,  «Meldingsløftet Sogn og Fjordane» og «Meldingsløftet i kommunane Fase II». Fylket vart i 2009 det første der alle kommunar hadde bestilt Norsk Helsenett-infrastruktur. IT-forum har vore pådrivar for elektroniske meldingar mellom Helse Førde og kommunane, og deretter var IT-forum ein pådrivar for meldingar mellom legekontor og helse og omsorgstenesta. Å følgje opp og fullføre dette har og vore viktig i 2014.