Bli med på studietur til Paris
Europas mest spanande teknologihovudstad!
IT-forum Vest i samarbeid med Innovasjon Norge inviterer deg med på studietur til Paris 14.–15. september 2026!
Kva krevst av økosystem og bedrifter for at norske teknologibedrifter skal lukkast med internasjonal skalering?
Det er det overordna temaet når vi i år reiser til ein av Europas mest spanande teknologihovudstadar. Meld deg på no og seinast innan 15. juni!
Kva får du ut av turen?
Innsikt i korleis Frankrike har jobba strategisk med å løfte teknologibedrifter dei siste 15 åra, også i lys av den geopolitiske situasjonen og beredskap
Læring frå franske og norske teknologibedrifter som har lukkast med skalering
Kunnskap om den franske marknaden og moglegheiter for norske bedrifter
Innsikt i EU-program: finansiering, kompetanse og nettverk
Høve til å etablere verdifulle kontaktar for framtidig etablering eller vekst
Fagleg og sosialt program i korte trekk (under arbeid)
Søndag 13. september
For dei som vil reise til Paris helga i forkant av det faglege programmet, planlegg vi for ein sosial dagstur til Champagne-distriktet med felles middag om kvelden. Vi kartlegg interessa for dette tilbodet i påmeldingsskjemaet. Lenke til skjema finn du under.
Måndag 14. september - sentrum av Paris
Formiddag hos Innovasjon Norge Paris. Introduksjon til den franske marknaden og moglegheiter for norske bedrifter.
Ettermiddag hjå BPI France (fransk søsterorganisasjon til Innovasjon Norge), om kompetanseprogram, nettverk og investeringsmoglegheiter.
Tysdag 15. september - Station F
Heildagsbesøk på Station F, Europas største inkubator for oppstarts- og skaleringsbedrifter, med innsikt frå bedrifter som har lukkast med skalering.
Kven er studieturen for?
Turen er open for:
medlemsbedrifter i IT-forum Vest
bedrifter i Vestland med ambisjon om å skalere internasjonalt
investorar, akselleratorar, næringsselskap, bankar og andre relevante aktørar i økosystemet for næringsutvikling
Deltakaravgift:
kr 7 000,- for medlemsbedrifter i IT Forum Vest
kr 10 000,- for andre
Prisen inkluderer fagleg opplegg, lunsj 14. og 15. september og middag på kvelden 14. september.
NB! Bedrifter med ambisjon om å skalere internasjonalt kan søke om redusert deltakaravgift.
Merk: Reise og hotell kjem i tillegg og må bestillast av kvar enkelt.
Vi kjem tilbake med praktisk info som anbefaling til flyruter og hotell i eiga melding til påmelde deltakarar.
Sjå også vedlagte presentasjon med meir utfyllande informasjon.
Har du spørsmål? Ikkje nøl med å ta kontakt.
Vi gleder oss til å sjå deg i Paris!
Helsing
Anne-Mette Hjelle, tlf.nr. 99 28 43 02 og Hjørdis Vik tlf.nr. 93 89 01 88
(Kontaktpersonar for turen i regi av IT-forum Vest)
