- En av de beste konferansene jeg har vært på - på lenge!

2. des.

Orda tilhøyrer Bjørn Amundsen, dekningsdirektør i Telenor Norge, som var ein av foredragshaldarane under årets IT-forum Vest konferansen. Digital beredskap var eit svært aktuelt hovudtema. Tilbakemeldingane når toppkarakter - nesten. Så varm takk til alle foredragshaldarane som stilte opp og delte historier, tips og råd!

Årets IT-forum Vest konferanse i Bergen var den 4. i rekka etter at vi starta opp att i 2022. Vi løfta Digital beredskap i praksis og spurte; er vi klare når det skjer?

Svaret på det avheng av kven du spør, men vi er nok samde om at mange framleis har ein veg å gå for å takle digitale truslar og hendingar. Vi veit dei vil kome. Og heldigivis - det er hjelp å få!

Her er presentasjonane som vi kan dele frå konferansen:

Les dei beste råda frå Ateas tech-Lead for penetrasjonstest-teamet, Erik Vetle Larsen. Han viste oss kor lett det er å manipulere og gjennomføre datainnbrot via e-post, mobiltelefon, eller ein tilfeldig samtale.
Når truslane blir meir komplekse og kommunikasjonssystem kan svikte, er samarbeid, koordinering og felles situasjonsforståing heilt avgjerande. Oliva Bakketun fortel korleis Statsforvaltaren arbeider med å byggje beredskap på tvers av sektorar, slik at viktige samfunnsfunksjonar fungerer også når krisa råkar.
Spesialisthelsetenesta forvaltar store verdiar, bl.a. personopplysningar, helseopplysningar og forskningsdata. Dette gjer at spesialisthelsetenesta tiltrekk seg merksemd frå svært avanserte trusselaktørar. Kva opplever Helse Vest av cyberangrep/sikkerheitshendingar? Kva gjer dei for å beskytte seg? Lær av CISO/informasjonssikkerhetsleder, Aksel Bruun i Helse Vest IKT.
Ein analyse av breiband og beredskap på Vestlandet. Rigging av robuste telenett for framtida v/Harald Wium Lie i Analysis Mason.
I Sverige har dei opplevd fleire titals sabotasjeaksjonar mot fiber og mobilmaster berre sidan påske. Kva opplever Bergen Fiber og kva gjer dei for å vere klare om det skjer her? Møt direktør for Innsikt og Compliance i Bergen Fiber, Cecilie Moe Garmannslund. Ho har 25 års erfaring innan telekom, dei siste 8 åra hos Bergen Fiber. Ho brenn for å få fram verdien av systematisk arbeid med sikkerheit og beredskap. Les presentasjonen i hennar innlegg: Verdien av digital beredskap.
Til sjuande og sist er det folka våre som kan vere vår største risiko, men også vår beste beredskap. Korleis sikre at dei veit kva dei skal gjere? t Merethe Stave er Chief Customer Officer og Senior Cloud Architect i CloudWay. Ho er ein bloggar og anerkjend foredragshaldar og har bidratt på konferansar som Modern Workplace i Paris, SharePoint Saturday i London og fleire gonger i Teams Nations online-konferansen. Ho blei i 2020 kåra til ein av Norges 50 fremste kvinner i tech.